د مالیې وزارت وايي، په تېره یوه میاشت کې د هېواد د ګمرکونو له لارې د ۵۰ میلیارده افغانیو په ارزښت صادرات او واردات شوي دي.

د ستندرد ملي اداره وايي، د شیخ ابو نصر فراهي بندر له لارې د ټیټ کیفیت د تېلو ۳۳ ټانکرونه بېرته مسترد شول.

د ازبکستان د سوداګرۍ او صنایعو خونې اعلان وکړ چې دغه هېواد له افغان سوداګرو سره د ۴۴ میلیونه ډالرو په ارزښت د صادراتو تړونونه لاسلیک کړي دي.

نړیوال بانک په یوه بیان کې ویلي، چې دغه ۸۴ میلیونه ډالره مرسته د افغانستان د ژغورنې وجهي صندوق (ARTF) له ۷۰ میلیونه ډالرو اضافي مالي مرستې سربېره ده.

د اسلامي امارت د احصایې او اطلاعاتو ملي ادارې اعلان کړی، چې په تېر کال کې یې د هېواد له لویو لارو او هوايي ډګرونو څخه د ۲۷۹۱۴ بهرنیو اتباعو د ننوتلو او وتلو اسناد ثبت کړي دي.

د افغانستان د کانونو او پټرولیم وزارت د ۲۰۴۹۰۰ امریکايي ډالرو په ارزښت د پنجشیر ولایت له کانونو استخراج شوي ۲۶۹۳ قیراط زمرد د پلور اعلان کړی دی.

رسنیو خبر ورکړی، چې یوه هندي سوداګر د پنجشیر له والي سره په لیدنه کې د خپلې پانګونې طرحه د پنجشیر مرستیال والي ته وړاندې کړه.

ترکیش ایرلاین په دې وروستیو کې اعلان وکړ چې له یوې میاشتې څخه په کمه موده کې به افغانستان ته خپلې الوتنې بیا پیل کړي.

په کابل کې د ايران د سفارت مرستيال سيد حسن مرتضوي د هرات له والي مولوي نوراحمد اسلامجار سره وکتل او د دواړو هېوادونو ترمنځ يې د سوداګريزو او اقتصادي اړيکو پر پراختيا خبرې وکړې.

برشنا شرکت اعلان کړی، چې د دغه شرکت د مشرتابه او د ترکمنستان د یوه پلاوي ترمنځ په ګډه ناسته کې د نورالجهاد د برېښنا د وېش سټېشن د تخنیکي پاتې شونو د کار د ژر پیل او بشپړېدو په اړه بحث وشو.

د مالیزیا د سوداګرۍ خونې مسوولینو په هغه هېواد کې د اسلامي امارت له سفیر سره په لیدنه کې ویلي، چې مالیزیا پانګوال غواړي په افغانستان کې پانګونه وکړي.

د هېواد مرکزي بانک اعلان کړی، چې د افغانیو د ارزښت د ساتلو په موخه به نن سه شنبه (د ثور ۱۱) ۱۶ میلیونه ډالره لیلام کړي.

د سرپرست حکومت د کانونو او پټرولیم وزارت اعلان کړی چې د چین یوه دولتي شرکت د افغانستان د کانونو په زېرمو کې پانګونې ته لېوالتیا ښودلې ده.

نن یکشنبه (ثور ۹مه) په هرات ولایت کې د درمل جوړولو فابریکه د ۱۶ میلیونه ډالرو په پانګونې سره د وزارت د اقتصادي مرستیال، د هرات د والي او یو شمېر سوداګرو په حضور کې پرانیستل شوه.

د اروپايي ټولنې د اسيايي څانګې مشر د اقتصاد له سرپرست وزير سره په کتنه کې وويل، چې دغه اتحاديه به ٢٠ ميليونه يورو د چاپېريال ساتنې او ١١،٨ ميليونه يورو افغان متشبثينو او سوداګرو ته د وړو پورونو په ورکولو ځانګړې کړي.

په چین کې د افغانستان سفیر د کانونو او پټرولیم وزارت له سرپرست سره په لیدنه کې ویلي چې چینايي پانګوال غواړي د افغانستان په کانونو کې پانګونه وکړي.

د قزاقستان د صدراعظم مرستيال او ورسره مل پلاوي د دغه هېواد د کانونو او پټروليم له سرپرست وزير سره په کتنه کې وويل چې هېواد يې غواړي په بېلابېلو برخو کې د سوداګرۍ او اقتصادي همکاريو د پراختيا لپاره د دواړو هېوادونو ترمنځ اړيکې لا پياوړې کړي.

د افغانستان د صنایعو او سوداګرۍ وزارت په کابل کې د ترکمنستان او اسلامي امارت د پلاوي ترمنځ د دوه اړخیزې ناستې د ترسره کېدو خبر ورکوي او وايي چې په دې کتنه کې د افغانستان د کانونو د صادراتو او سوداګرۍ پر زیاتوالي خبرې وشوې.

د افغانستان د مرکزي بانک رييس په کابل کې د ايران د اسلامي جمهوريت له ځانګړي استازي او سفير سره په کتنه کې وويل چې د دواړو هېوادونو ترمنځ مناسبه بانکي همکاري د سوداګرو لپاره اسانتياوې برابروي، ځکه چې د افغانستان مرکزي بانک ژمن دى په هیواد کې د نړۍ د اسانتیا لپاره د معیارونو سره برابر بانکي خدمتونه چمتو کړي.

د اسلامي امارت د کانونو او پټرولیم وزارت د دوه اړخیزو اړیکو د پراختیا په اړه د دغه هیواد د لومړي وزیر د استازي په مشرۍ د مالیزیا له پلاوي سره د دغه وزارت د رئیس د کتنې او بحث خبر ورکړی دی.